Abonentet debitore, 100 nderprerje energjie

Fier- Policia Elektrike e Fierit nisi fushaten per nderprerjen e energjise, ndaj debitoreve te OSSH-se. Gjate dites se djeshme jane kryer 100 prerje te energjise, per abonentet te cilet nuk paguanin faturat. Lajmi konfirmohet nga kreu i divizionit te shperndarjes, Arjan Bibo. Drejtoria ka ngritur grupe pune me nga tre persona ne perberje dhe me lista ne duar, verifikonin abonentet qe nuk kane kryer shlyerjen e faturave te energjise elektrike ne kohen e duhur. Ne te gjitha lagjet e qytetit te Fierit, edhe pse ka qene dite pushimi, grupet e punes jane shfaqur aktive, teksa me gershere ne dore kryen nderprerje te furnizimit me energji elektrike. Arjan Bibo pohoi dje per "KJ" se kjo menyre do te rrise me shume arketimet, por edhe do te ndergjegjesoje abonentet qe te kryejne ne kohe shlyerjen e faturave te energjise elektrike qe kane konsumuar. Ky operacion mesohet se do te vijoje pergjate gjithe kesaj jave dhe do te verifikohen abonentet debitore.

Xh. B.