Abuzimet e CEZ banoret protestojne Fatura skandaloze. Mungon sherbimi

Fatura tej mase te fryra, por edhe mungesë shërbimesh nga kompania CEZ- Shpërndarja. Këto janë ankesat e qytetarëve në Tiranë të cilët edhe pse ankohen prej disa muajsh, nuk po gjejnë një zgjidhje. Në zyrat e kujdesit ndaj klientit qytetarët vazhdojnë të presin me orë për të marrë faturat e tyre e për të paguar detyrimet. Të irrituar ata shprehën se nuk po gjejnë dot zgjidhje, si për faturat tej mase te kripura dhe jo reale, por edhe për mungesen e shërbimeve.

Ankesat e qytetareve ndaj kompanise CEZ- Shpërndarja kanë qenë nga më të ndryshmet, jo vetëm për fatura abuzive, por edhe për cilësinë e energjisë që vjen në banesa e cila në shume raste, ju ka shkatuar dëmë të mëdha finaciare.

Por pavarësisht këtyre, konsumatorët shqiptarë vazhdojnë të paguajnë nga xhepat e tyre duke qenë  të rregullt ndaj kësaj kompanie e cila  nga dita në ditë po shkel detyrimet që ka ndaj klientëve të saj.

 Edlira Sulejmani