Adebajor te Milani: „Ok‰ i Venger

Trajneri i Arsenalit, Arsen Venger, duket se është i gatshëm të
shesë sulmuesin Emanuel Adebajor në fund të sezonit. "News
of the World" pretendon se drejtuesi i stolit të "topçinjve" i ka
dhënë "dritë jeshile" kalimit të sulmuesit nga Togo te Milani, për
një shifër të përafërt me 34 milionë euro. Emri i 24-vjeçarit është
përfolur gjatë në ambientet e klubit kuqezi, madje zv/presidenti
Adriano Galiani është një prej adhuruesve të tij më të mëdhenj.
Gjatë verës së kaluar, transferimi dështoi prej vendimit të Adebajor,
por tashmë sulmuesi ndihet i gatshëm të provojë aventurën në
Serinë A italiane.