Administrata "Obama", mbeshtetje per Shqiperine

Kryeministri Berisha gjate dites se fundit te vizites se tij ne Shtetet e Bashkuara te Amerikes, kreu takime te shumta me senatore dhe keshilltare te figurave te larta, te qeverise amerikane. Keshtu kryeministri Berisha zhvilloi ne Uashington nje takim te vecante me gjeneralin Wesley Clark. Ne kete takim Berisha vleresoi lart figuren e gjeneralit Clark, per ndihmen e madhe dhe rolin qe ai ka luajtur per dhenien fund te barbarise se regjimit te Milloshevicit, kunder te drejtave te njeriut ne Kosove. Nga ana e tij Clark vleresoi reformat e qeverise se kryesuar nga Kryeministri Berisha dhe shprehu bindjen per rrugen e sigurt te Shqiperise ne NATO. Ne vazhdim te vizites se tij ne Uashington, kryeministri Berisha shtroi nje darke, per nder te personaliteteve te politikes amerikane, te institucioneve te mendimit politik ne Uashington dhe zyrtareve te larte te administrates amerikane, ne Newseum, nje nga godinat me moderne, ne shetitoren Pensilvania dhe New Street. Ne kete takim i ftuar nderi ne kete darke ishte senatori Richard Lugar, nje nga politikanet me me eksperience te Shteteve te Bashkuara te Amerikes, i cili vleresoi reformat e ndermarra nga Shqiperia. Po dje Berisha takoi edhe senatorin John Isakson. Kryeministri Berisha e falenderoi senatorin Isakson per pritjen e ngrohte dhe per gjithe perpjekjet dhe kontributin, ne dobi te Shqiperise dhe shqiptareve. Po dje kryeministri Berisha u prit ne takim nga Keshilltari per Sigurine Kombetare i Zevendespresidentit te SHBA-se, Antony Blinken. Keshilltari i larte e siguroi kryeministrin Berisha se administrata e re e Presidentit Obama, do te vazhdoje te njejten mbeshtetje dhe vemendje ndaj vendit tone dhe siguroi se, qeveria shqiptare dhe Shqiperia do te gjejne tek kjo administrate miq te mire dhe aleate te fuqishem.

Berisha zhvilloi takime me:

Wesley Clark -ish-gjeneral i NATO-s

Richard Lugar- senator i SHBA

Antony Blinken-keshilltar per Sigurine Kombetare i Zevendespresidentit te SHBA

John Isakson- senator i SHBA