Administratori i bashkise konfirmon fletethirrjen
Administratori i bashkise Artan Agolli ka konfirmuar se do te shkoje ne Prokurorine e Tiranes per te dhene deshmine e tij per lejet e ndertimit. Atij i eshte derguar fletethirrje prej disa ditesh dhe dje pritej qe te paraqitej ne organin e akuzes kryeqytetase por ka deklaruar se njoftimi nuk i kishte shkuar. Keshtu ai ka konfirmuar se do te paraqitet ne prokurori per te deshmuar mbi interesat e grupit hetimor per zbardhjen e ceshtjes se lejeve te ndertimit. Ai ishte thirrur nga prokuroria disa dite me pare bashke me nje drejtoreshe te bashkise te cilet do te pyeten per menyren e dhenies se lejeve te ndertimit. Prej disa javesh njesia Task-Force ne Prokurorine e Tiranes ka filluar nje hetim pas akuzave te ndersjella midis deputetit socialist Erion Brace dhe deputetes demokrate Albana Vokshi per 20 perqindeshin e lejes se ndertimit dhe dhenien me koncesion te HEC-eve ne mbare republiken. Hetuesit e ceshtjes kane sekuestruar materialin e bashkise disa jave me pare ndersa tashme per sqarime kane thirrur ne prokurori drejtoret perkates. Per menyren e dhenies se lejeve te ndertimit akuza do te ritherrase edhe Rrahman Selmanllarin dhe pronaret e truallit te ndertimit te Liqenit Artificial. I pari do te jape sqarime ne lidhje me dy deshmite kontradiktore asaj qe ka dhene para hetuesit dhe pretendimeve qe jane publikuar ne deklaraten noteriale te avokatit Genc Gjokutaj. Zyrtarisht akuza thote se permbajtja e deklarates noteriale nuk perputhet me procesverbalin e deshmise se dhene ne prokurori nga Selmanllari. Ndersa pronaret do te deklarojne gjithcka dine rreth marreveshjes se tyre me nje nga ndertuesit si dhe sasine e metrave katrore qe kane ne pronesi. Nga shqyrtimi i materialeve dhe deshmive te mbledhura deri me tani jane zbardhur edhe shkaqet e moszbatimit te kontrates se bashkepunimit mes pese biznesmeneve per ndertimin e kompleksit te kodra e Liqenit Artificial te Tiranes. Per te gjitha faktet e siperpermendura administratori Agolli do te pyetet nese bashkia ka dhene ose jo leje per ndertimet shumekateshe dhe nese kane favorizuar ndonje biznesmen per te marre leje.