Adriano bëhet menaxher
Adriano ka filluar të mendojë për të ardhmen larg fushës së futbollit. Sulmuesi brazilian e ka nisur zejen e menaxherit.
Futbollisti i Corinthiansit e ka lansuar agjensionin ‘A10’, ku do të investojë para dhe imazhin e tij, për t’u marrë me futbollistë të rinj, por edhe me zhanre tjera, që kanë të bëjnë me artin. Njëjtë si ‘9ine’ i Ronaldos, ‘A10’ i Adrianos do ta përcjell zhvillimin e lojtarëve, këngëtarëve dhe artistëve në përgjithësi.
‘Klienti’ i tij i parë është një këngëtar: Diney Alves, i cili ka filluar të këndojë në festat që janë mbajtur nëpër shtëpi të ndryshme. Për këtë, Adriano do të mundohet ta bëjë të famshëm Alvesin.