Afganistan, 83 të vdekur nga sulmi ajror

Të paktën 83 vetë gjetën dje vdekjen në lokalitetin Farah të Afganistanit, pasi një avion ushtarak amerikan i pilotuar në distancë sulmoi pjesëmarrësit në një ceremoni varrimi. Sipas burimeve lokale, 200 pjesëmarrësit në varrim qenë grumbulluar për t‘i dhënë lamtumirën një komandanti taleban të vrarë përmes një sulmi të ngjashëm. Gjatë ceremonisë u zhvillua edhe sulmi në fjalë, i cili sipas disa mediave të huaja shkaktoi 83 të vrarë dhe dhjetëra të plagosur.