Afganistan, vriten edhe dy ushtarë të NATO-s

NATO-ja tha se edhe dy ushtarë të saj janë vrarë të enjten në Afganistan, duke çuar në shtatë numrin e viktimave të huaja brenda ditës.

Aleanca tha se njëri prej ushtarëve është vrarë në sulmin e kryengritësve në jug të vendit, por nuk dha detaje për kombësinë e tij.

Ministria e Mbrotjes në Francë tha se viktima e dytë ishte një ushtar francez, i cili u vra pas shpërthimi i nj ë bombe në anë të rrugës, në provincën Kapisa.

Pentagoni ka njoftuar të enjten se pesë ushtarë amerikanë kanë humbur jetën nga një shpërthim në jug të Afganistanit.