Afrohet nënshkrimi i kontratës për OSSH-në
Kontrata finale për shitjen e Operatorit të Sistemit të Shpërndarjes pritet të nënshkruhet brenda kësaj jave, bënë të ditur burime jozyrtare nga Ministria e Ekonomisë, Tregtisë dhe Energjetikës. Pas pesë muajsh bisedime dhe ndryshime në bilancin e OSSH, të kryer me vendim qeverie të premten e kaluar, duket se blerësit janë të kënaqur të marrin kompaninë.
Qeveria hoqi borxhe dhe fatura të pashlyera me vlerë të përgjithshme prej 50 milionë eurosh, ndërsa transferoi asete të KESH-it tek OSSH me vlerë disa milionë euro të tjera, në një veprim që u konsiderua nga opozita si "mendjelehtësi" dhe "proces i korruptuar".
"Vendimi i para dy ditëve i qeverisë shqiptare ka ulur me më shumë se 50 për qind vlerën e Operatorit të Shpërndarjes. Borxhet i kalojnë KESH sh.a., asetet i kalohen OSSH dhe kështu me radhë ulen dhe detyrimet e OSSH", - deklaroi Andis Harasani, ish-drejtor i KESH-it dhe anëtar i Parlamentit për opozitën.
Gjiganti i Evropës Lindore dhe Juglindore për energjinë elektrike CEZ nga Republika Çeke ofroi 102 milionë euro për 76 për qind të aksioneve për OSSH-në në shtator të vitit të kaluar, në fund të një tenderi ku rezultoi oferta e vetme. CEZ mori përsipër edhe mbulimet e borxheve të OSSH me vlerë rreth 150 milionë euro, si dhe detyrimin për të investuar 200 milionë euro në katër vitet e ardhshme. Ndryshime të shumëfishta ligjore para tenderit i dhanë mundësi qeverisë të vijonte bisedimet dhe të ndryshonte thelbin e rezultatit të tenderit, pasi të ishte mbyllur ligjërisht. Ndryshimet e fundit në bilanc ulën borxhet e OSSH në masën 38 milionë euro, ndërsa anuluan detyrimet që kjo kompani i kishte ndaj KESH dhe OTS. Edhe Fondi Monetar Ndërkombëtar është ankuar në lidhje me privatizimin e OSSH: "Ka një pranim të heshtur për të transferuar humbjet te KESH-i, me qëllim që të mos rritet çmimi i dritave", - tha FMN në një raport mbi Shqipërinë, duke kujtuar se zgjedhjet sjellin rrezik për stabilitetin në rastin e Shqipërisë. Qeveria nuk dëshiron të rrisë çmimin e dritave këtë vit për shkak të zgjedhjeve. Ajo ka deklaruar se ndryshimet në çmim do të bëhen në vitin 2010.
Qeveria hoqi borxhe dhe fatura të pashlyera me vlerë të përgjithshme prej 50 milionë eurosh, ndërsa transferoi asete të KESH-it tek OSSH me vlerë disa milionë euro të tjera, në një veprim që u konsiderua nga opozita si "mendjelehtësi" dhe "proces i korruptuar".
"Vendimi i para dy ditëve i qeverisë shqiptare ka ulur me më shumë se 50 për qind vlerën e Operatorit të Shpërndarjes. Borxhet i kalojnë KESH sh.a., asetet i kalohen OSSH dhe kështu me radhë ulen dhe detyrimet e OSSH", - deklaroi Andis Harasani, ish-drejtor i KESH-it dhe anëtar i Parlamentit për opozitën.
Gjiganti i Evropës Lindore dhe Juglindore për energjinë elektrike CEZ nga Republika Çeke ofroi 102 milionë euro për 76 për qind të aksioneve për OSSH-në në shtator të vitit të kaluar, në fund të një tenderi ku rezultoi oferta e vetme. CEZ mori përsipër edhe mbulimet e borxheve të OSSH me vlerë rreth 150 milionë euro, si dhe detyrimin për të investuar 200 milionë euro në katër vitet e ardhshme. Ndryshime të shumëfishta ligjore para tenderit i dhanë mundësi qeverisë të vijonte bisedimet dhe të ndryshonte thelbin e rezultatit të tenderit, pasi të ishte mbyllur ligjërisht. Ndryshimet e fundit në bilanc ulën borxhet e OSSH në masën 38 milionë euro, ndërsa anuluan detyrimet që kjo kompani i kishte ndaj KESH dhe OTS. Edhe Fondi Monetar Ndërkombëtar është ankuar në lidhje me privatizimin e OSSH: "Ka një pranim të heshtur për të transferuar humbjet te KESH-i, me qëllim që të mos rritet çmimi i dritave", - tha FMN në një raport mbi Shqipërinë, duke kujtuar se zgjedhjet sjellin rrezik për stabilitetin në rastin e Shqipërisë. Qeveria nuk dëshiron të rrisë çmimin e dritave këtë vit për shkak të zgjedhjeve. Ajo ka deklaruar se ndryshimet në çmim do të bëhen në vitin 2010.