Aksident, 7 te plagosur
BERAT - Nje aksident qe la 7 persona te plagosur, mes se cileve njeri ne gjendje te rende, ndodhi dje ne aksin rrugor Berat - Ura Vajgurore. Burime policore nga Komisariati i Beratit bejne me dije se aksidenti ndodhi rreth ores 2:00 te mengjesit te djeshem, ne afersi te fshatit Otllak, pak kilometra larg qytetit. Mesohet se mjeti tip "Ford" me targa te Durresit, DR 20 26 D, qe drejtohej nga Agron Bega, eshte perplasur me mjetin tip "Benz" me targa te Beratit, BR 1318 B, qe drejtohej nga Besnik Serdari. Dy automjetet qe udhetonin ne drejtim te kundert, u perplasen me njera-tjetren, ku si pasoje mbeten te plagosur Agron Bega, 40 vjec, drejtuesi i mjetit me targa te Durresit, banor i qytetit te Beratit, Fabion Hysi, 20 vjec, nga Berati, Erion Kembaci, 21 vjec, po nga Berati, Bardhyl Binjaku, 45 vjec, banor i fshatit Morave, Berat, Besnik Serdari, 40 vjec, drejtuesi i mjetit me targa te qytetit te Beratit, i cili u plagos me rende, si edhe dy persona te tjere qe nuk pesuan demtime serioze. Te gjithe te demtuarit moren ndihmen e pare ne spitalin rajonal te Beratit, nderkohe qe Besnik Serdari eshte derguar per ne Spitalin Ushtarak ne Tirane, per ndihme me te specializuar. Nga burime jozyrtare policore behet e ditur se shkak i aksidentit ishte lageshtia ne rruge dhe humbja e kontrollit te njerit prej drejtuesve te automjeteve. D. Xhelili