Aksident në Fier, humb jetën 57 vjecari

Përgjaken sërish rrugët e Shqipërisë. Aksidenti i radhës ka ndodhur në Fier, në afërsi të fshatit Ferras, ku drejtuesi i mjetit ka humbur jetën si pasojë e shpejtësisë me të cilën donte të parakalonte. 

FIER-Sërish aksident i rëndë në aksin kombëtar Fier-Vlorë. Ngjarja ka ndodhur në orën 6.30 të mëngjesit të sotëm në afërsi të fshtatit Ferras. Parakalimi i gabuar ka cuar në humbjen e jetës drejtuesin e mjetit tip golf me targa të Vlorës, VL 7501 A. Drejtuesi i Golfit 57 vjecari Haki Zeka ka dashur të parakalojë me shpejtësi një furgon me targa VL 5798 C, që udhëtonte para tij, por nuk ka mundur të manovrojë në momentin e fundit, kur përpara furgonit ka dalë një karrocë me kuaj. 57 vjecari ishte një nga punëtorët e rrugës Levan-Tepelenë. Ai ka dashur të ruajë karrocën e kuajve që i ka dalë përpara, por nuk ka mundur të shpëtojë pas përplasjes së fortë me furgonin. Policia e cila ka shkuar në vendngjarje, thotë se shkak i aksidentit është bërë parakalimi me shpejtësi të madhe, ndërsa në vendngjarje është gjetur karroca e braktisur.
(m.a/News24/BalkanWeb)