Aksident në Tropojë, një i vdekur 5 të plagosur

Policia lokale bën të ditur se një makinë “Land Rover” ka rënë nga 7 metra lartësi pranë fshatit Arts Miliska, ku si pasojë ka gjetur vdekjen e menjëhershme 50-vjeçari Nebi Mustafaj, pasagjer në këtë automjet.

Të plagosurit janë: Selam Ymeraj, drejtues i automjetit,  N. Ymeraj, S. Ymeraj, E. Ymeraj, dhe K. Qekalli, të cilët janë dërguar menjëherë në drejtim të spitalit të Bajram Currit.

Nga hetimet paraprake mësohet se pasagjerët udhëtonin nga Durrësi për të kaluar fundjavën në pikën turistike të Valbonës.

Dyshohet se shkak i aksidentit të ketë qenë pakujdesia e drejtuesit të automjetit. /Start/

                                                                                             2011-07-08 11:55