Aksident në autostradën Tiranë-Durrës, 2 të plagosur
Një aksident me pasojë plagosjen e dy personave ka ndodhur mëngjesin e sotëm në autostradën Tiranë-Durrës.
Ngjarja e rëndë ka ndodhur pranë Yrshekut një motorr është përplasur me një automjet dhe për pasojë janë plagosur një çift të rinjsh, identiteti i të cilëve nuk bëhet i ditur të cilët udhëtonin me motorr.
Menjëherë të plagosurit janë dërguar në spitalin Ushtarak ku po marrin edhe ndihmën mjekësore.
Ndërkohë policia e cila ka shkuar në vendngjarje ka nisur hetimet për zbardhjen e plotë të shkaqeve të aksidentit.