Aksident ne miniere, plagoset rende punetori
Puke - Nje punetor eshte plagosur rreth ores 17:00 teksa po punonte ne minieren e Menlles, ne afersi te Qafes se Malit. Zef Cuni eshte demtuar rende ne koke dhe eshte bere transportimi i tij per ne spitalin e Pukes. Nderkohe qe ai do te sillet ne kryeqytet, ku do te marre ndihme mjekesore te specializuar. Zef Cuni nga Puka ka marre plage te renda ne koke si pasoje e spostimit te rrulit. Mesohet se eshte ne gjendje kritike per jeten, ndaj pritet qe me mberritjen e tij ne Spitalin Ushtarak t'i behet nje nderhyrje kirurgjikale ne koke. Ende nuk dihen rrethanat e sakta te kesaj ngjarjeje, por burimet lokale bejne te ditur se Pellumb Pjetri, eshte goditur nga makinerite e minieres per shkak te mungeses se sigurise ne pune. Prej kohesh minatoret e te gjithe vendit kane zhvilluar protesta dhe greva te njepasnjeshme per plotesimit e kerkesave te tyre ne lidhje me sigurine e jetes ne pune dhe pagave te uleta. Por deri me sot te gjitha keto reagime kane rene ne vesh te shurdhet. Madje edhe rastet e shumta te tragjedive dhe vdekjeve te minatoreve neper miniera, nuk kane sjelle nje reagim per plotesimin e kerkesave te tyre. Nderkohe 3 nentori eshte vendosur te jete data, kur minatoret do te zhvillojne protesten e radhes per te arritur qe te bindin qeverine shqiptare per te permbushur kerkesat e tyre. Vendimi u arrit pas mbledhjes se Keshillit Kombetar te Minatoreve nga vende te ndryshme te Shqiperise duke theksuar se kjo proteste do te zhvillohet ne Tirane pergjate rrugeve kryesore te qytetit.