Aksident për Krishtlindje, makina bie në Lanë

Mbrëmjen e djeshme në Tiranë pas ceremonive fetare kushtuar Krishtlindjeve ka nisur edhe festa. Dhe bashkë me të, edhe aksidentet e para automobilistike. Një prej tyre ndodhi rreth orës 02.00 të mëngjesit të sotëm përballë Katedrales Katolike të Shën Palit në Tiranë, kur një automjet me targa të kryeqytetit ka dalë nga rruga për shkak të shpejtesisë, duke përfunduar në shtratin e lumit Lana. Drejtuesi i mjetit dhe pasagjerët e tij kanë shpëtuar fatmirësisht pa dëmtime nga ky aksident.