Aksidentoi me vdekje bashkeshorten, vetehelmohet 58-vjecari
Korce-I jep fund jetes duke u vetehelmuar, pasi nuk ka mundur dot te vazhdoje jeten pa gruan qe e aksidentoi me vdekje. Ngjarja tragjike ka ndodhur ne familjen Spaho, ne fshatin Belorta te Korces. Vetem nje dite me pare, Agim Spaho, 58 vjec, eshte gjetur nga familjaret e tij i vdekur ne dhomen e gjumit. Familjaret e kane gjetur ate te shtrire ne dysheme dhe menjehere e kane derguar ne spitalin e Korces me shpresen e mbijeteses. Por ka qene teper vone, pasi sipas mjekeve i vetehelmuari ishte sjelle i vdekur. Nga hetimet paraprake mendohet se viktima kishte perdorur pesticide helmuese, qe perdoren ne bujqesi per t'i dhene fund jetes. Lidhur me shkaqet e kesaj vetevrasjeje, policia dyshon se nje gjendje depresive e ka cuar 58-vjecarin ne veteflijim. Ai kishte humbur bashkeshorten ne nje aksident automobilistik, ku shkaktar i ketij aksidenti te rende, ka qene vete ai. Nje gje te tille e pohojne edhe vete familjaret e viktimes. Ata thane se vdekja e 58- vjecarit, ishte paralajmeruar disa here prej tij. Madje ata kane treguar se i afermi i tyre kishte treguar edhe menyren sesi do i jepte fund jetes, por mesa duket kjo nuk eshte marre parasysh prej tyre. Fati tragjik i familjes Spaho, nisi pas nje aksidenti te rende automobilistik. Makina e drejtuar prej 58-vjecarit Agim Spaho doli nga rruga dhe per pasoje humbi jeten bashkeshortja e tij, ndersa ai vete u plagos.D. Zisi