Akuze per deklarim te rreme dy deshmitare

Nje ish- polic mohoi deklarimin e dhene ne prokurori mbi armen e gjetur pas nje vrasjeje per te cilen dyshohej Klodian Saliu

TIRAN- Prokuroria per Krime te Renda ne kryeqytet ne seancen e djeshme gjyqesore ndaj te pandehurve te bandes se Durresit njoftoi gjykaten se do ndiqte penalisht per akuzen e deklarimit te rreme dy deshmitaret e fundit te saj Bajram Muken dhe Faik Kusi.

Sipas prokurorit Anton Martini Muka dhe Kusi ne seancen e fundit gjyqesore mohuan firmen ne procesverbalin e marrjes ne pyetje ne prokurori. Kjo solli debate ne seancen gjyqesore cka detyroi prokurorin te kerkoje nga gjykata thirrjen e ekspertit per te kryer ekspertimin krahasues te firmave te tyre.

Eksperti pas betimit dhe kryerjes se akt-ekspertimit krahasues te daktilografise ne seancen e djeshme gjyqesore u shpreh se firmat e hedhura ne procesverbalet e marrjes ne pyetje te Bajram Mukes dhe Faik Kusit ishin te njejta me ato te dhene para ekspertimit. Ky konkluzion beri qe prokurori Martini ti kerkoje gjykates ndjekje penale per dy deshmitaret per deklarim te rreme.

Efektivi i policise se objekteve Muka pati deklaruar se kishte gjetur nje arme Kallashnikov te cilen ia kishin dorezuar dy femije. Kjo arme ne ate kohe sipas prokurorise ishte gjetur ne vendin e ngjarjes ku jane vrare Viron Curri e Arjan Paja e u plagos Marsel Sotiri.

Kjo arme me pas eshte zhdukur ne policine e Durresit pas arrestimit te Klodian Saliut si i dyshuar. Edhe Kusi mohoi firmen e tij ne lidhje me krismat e armeve qe kishte degjuar dhe llojin e mjetit qe kishte pare duke u larguar pas vrasjes se Dritan Dishes. Seanca e djeshme u shty per te vazhduar avokatet mbrojtes me deshmitaret e tyre.