Al Kaeda “sulmon” avionin në Detroit, 260 pasagjerë në bord

 Al Kaeda është përpjekur të hedhë në erë një avion “Delta” në Detroit gjatë ditës së Krishtlindjeve, ndërsa Shtëpia e Bardhë ka ndezur alarmin e sulmeve terroriste kundër tyre. Ekspertët anti-terrorizëm hedhin variantin e një komploti të ri ndërkombëtar, që nga Nigeria e luftërave civile mes kristianëve e myslimanëve deri në Jemen, parajsa e njerëzve të Bin Ladenit zgjatet deri në Amerikë dhe në Perëndim. Njeriu që tentoi atentatin ishte një 23- vjeçar nga Nigeria, Umar Farouk Abdulmutallab, i nisur nga Amsterdami. Kanë qenë pasagjerët e tjerë në bord që janë hedhur kundër tij në momentin që po tentonte të ndizte një mjet shpërthyes. Shtetet e Bashkuara u kanë kërkuar linjave ajrore që të operojnë në vend, për të shtrënguar masat e sigurisë, pas një tentative për të hedhur në erë një avion amerikan që udhëtonte nga Amsterdami drejt Detroitit. Autoritetet holandeze thanë se masat shtesë, që përfshijnë më shumë kontrolle në bagazhet e dorës, do të aplikohen në mbarë botën për një periudhë pa afat në mbarë botën. Të premten një pasagjer i një avioni të kompanisë ajrore “Delta” pretendohet se u përpoq të aktivizonte një lloj eksplozivi në kohën kur avioni po ulej mbi Detroit. Hetime për këtë rast po kryhen edhe në Britani nga Policia Metropolitane e Londrës. Autoritetet britanike thanë se po bashkëpunojnë me autoritetet amerikane rreth Abdul Farouk Abdulmutallab, personit që pretendohet se u përpoq të hidhte në erë avionin në ditën e Krishtlindjeve.