Alarm i rreme per bombe, 2 gjimnaziste nen hetim

ELBASAN- Alarm i rreme per vendosjen e nje bombe ne gjimnazin "Ahmet Dakli", ne Elbasan. Ngjarja ka ndodhur rreth ores 13.00 te dites se djeshme, kur kishte filluar ora e gjashte e mesimit. Sipas te dhenave policore kane qene dy nxenes te kesaj shkolle, te identifikuar, nje vajze dhe nje djale, qe kane telefonuar dy here ne sallen operative. Ata i kane pohuar oficerit te informacionit se ne shkollen ku ata mesojne eshte vendosur nje bombe. Ne vendngjarje ka shkuar policia, e cila ka evakuuar nxenesit e mbetur. Mbas kontrollit te ushtruar ne cdo klase, ka rezultuar se alarmi ka qene i rreme.

Policia ngriti ceshtje penale ndaj dy gjimnazisteve per perhapjen e panikut, ndersa shkak mendohet te jete deshira per te mos zhvilluar oren e mesimit. Gjimnazi "Ahmet Dakli", ndodhet ngjitur me konviktet e Universitetit "Aleksander Xhuvani".

F. S.