"Albpetrol", me drejtues te rinj

Drejtori i ri i kompanise publike te nxjerrjes se naftes "ALBPETROL" eshte emeruar Ferdinand Murati. Sipas burimeve zyrtare te Ministrise se Ekonomise, Tregtise dhe Energjetikes, Murati u emerua pas shkarkimit te Ilir Gjonit, i cili u shkarkua per shkak te performances se dobet te kesaj kompanie ne vitet e fundit. Nderkohe ministri i Ekonomise, Tregtise dhe Energjetikes, Dritan Prifti tha te enjten ne nje konference per shtyp se eshte ngritur nje grup pune per te filluar procesin e privatizimit te kompanise "Albpetro", proces i cili pritet te kryhet brenda nje periudhe 6-8 mujore. Kreu i METE-s tha se kompania "Albpetrol" ka probleme serioze financiare duke arritur deri ne mos mundesine e pagimit edhe te pagave te punonjesve. Aktualisht "Albpetrol" zoteron 20 % te puseve te naftes ne vend. "Albpetrol" sh.a. eshte shoqeri anonime me 100% te aksioneve te zoteruara nga qeveria shqiptare. i vetmi aksioner eshte Ministria e Ekonomise, Tregtise dhe Energjetikes. Selia qendrore e kompanise ndodhet ne qytetin e Patosit.