Almir Rrapo Gjykata e Larte rrezon ekstradimin

Vetem dy dite pas ekstradimit Gjykata e Larte rrezon dy vendimet e shkalleve me te uleta te gjyqesorit dhene per ish-punonjesin e Ministrise se Jashtme Almir Rrapo duke e kthyer kete ceshtje per rigjykim. Por vendimi i Kolegjit Penal eshte marre me vonese pasi prej mengjesit te dites se merkure Rrapo ndodhet i burgosur ne qelite e Shteteve te Bashkuara te Amerikes. Gjate seances se djeshme serish prokurori i ceshtjes mbrojti vendimin e ekstradimit ndersa pala mbrojtese e perfaqesuar avokati Ardian Visha kundershtoi proceduren e ekstradimit si nje shkelje e te drejtave te njeriut pasi autoritetet amerikane nuk kishin sjelle nje garanci ku do vertetonte se Almir Rrapo nuk do te denohej me vdekje. Kolegji Penal i kryesuar nga Besnik Imeraj i kerkoi prokurorit garancine. Nga ana e perfaqesuesit te akuzes u paraqit nje dokument i leshuar nga Ambasada Amerikane se Almir Rrapo nuk do te denohej me vdekje por nuk ishte garancia e prokurorise amerikane. Dokumenti nuk eshte pranuar nga Kolegji Penal i Gjykates i cili ka vendosur te anuloje vendimet e gjykates se Tiranes dhe Apelit dhe te riktheje ceshtjen per gjykim nga e para. Ne perfundim te seances ka reaguar edhe avokati Visha i cili deklaroi se i gjithe procesi teknik i arrestimit te tij i zgjatjes se afateve te paraburgimit dhe ekstradimi perbejne barbari absolute dhe shkelje te te drejtave te njeriut. Nderkohe qe ne kete proces nderhyri dhe Gjykata e Strasburgut e cila leshoi nje vendim ku nuk lejohej ekstradimi i tij para se Gjykata e Larte te shprehej. Sipas avokatit pasojat e ketij vendimi jane jane te pariparueshme ne kuptimin e kthimit fizik te klientit te tij nga SHBA ne Shqiperi. Almir Rrapo u arrestua me 2 korrik ne ambientet e ambasades amerikane pasi akuzohet nga drejtesia amerikane per krime te renda te kryera ne kuader te nje organizate kriminale qe ka vepruar ne disa shtete te Amerike.