Alonso udhëheq paradën e Ferrarit në Bahrein
çmimi i Madh i Bahreinit, garës së parë sezonale në kampionatin e Formula 1, ka përfunduar me firmën e Ferrarit. Në fakt dyshja e pilotëve të skuderisë së Maranelos ka arritur të renditet në vendin e parë me Fernando Alonson dhe në të dytin me Felipe Masën, pas një garë që ka dhuruar padyshim emocione dhe spektakël. Debutimi i pilotit spanjoll ka qenë me të vërtetë i jashtëzakonshëm, por nuk mbetet pas edhe paraqitja e shkëlqyer e brazilianit, i cili pas aksidentit të rëndë që pësoi një vit më parë, ka treguar se do të jetë një ndër pretendentët kryesorë për titullin. Ferrari kështu ka regjistruar dopietën e 80 në historinë e saj në kampionatin e Formula 1. Megjithatë vlen për t’u përmendur gara e zhvilluar nga piloti gjerman i Red Bullit, i cili ka dominuar tërësisht pistën deri kur kishin mbetur 15 xhiro nga përfundimi. Në fakt 22 vjeçari nuk arriti ta përfundonte në vend të parë çmimin e Madh të Bahreinit pasi pati një problem mekanik në makinën e tij. Më pas Fetel është parakaluar edhe nga Luis Hamilton, i cili i ka rrëmbyer kështu vendin e tretë. Fatmirësisht për Red Bull, 22 vjeçari nuk është parakaluar edhe nga Niko Rosberg me Mercedes GP, që është pozicionuar në vendin e pestë, i ndjekur nga shoku i tij i skuadrës, shtatë herë kampioni i botës, Mikael Shumaker. Menjëherë pas tij janë renditur kampioni i botës në fuqi, Xhenson Baton, i ndjekur nga piloti i “Red Bull” Mark Veber dhe Vitantonio Liuci me “Force Indian”. Kanë zhgënjyer të gjithë debutuesit, të cilët nuk kanë mundur as ta mbarojnë garën e parë të sezonit të ri të Formula 1.
RADHA E MBëRRITJES
Piloti Koha
1. F.Alonso 1orë41’02"236
2. F.Masa + 0’16
3. L.Hamilton + 0’23
4. S.Fetel + 0’38
5. N.Rosberg + 0’40
6. M.Shumaker + 0’44
7. Xh.Baton + 0’45
8. M.Veber + 0’46
9. V.Liuci + 0’53
10. R.Barrikelo + 1’02
11. R.Kubica + 1’09
12. A.Sutil + 1’24
13. H.Alguersuari + 1’32
14. N.Hulkenberg + 1 xhiro
15. H.Kovalainen + 2 xhiro
16. J.Truli + 3 xhiro
17. S.Buemi + 3 xhiro
18. P.De La Roza (tërhequr)
19. B.Sena (tërhequr)
20. T.Glok (tërhequr)
21. V.Petrov (tërhequr)
22. K.Kobajashi (tërhequr)
23. L.Di Grasi (tërhequr)
24. K.çandhok (tërhequr)