Ambasada greke u mohon vizat 3 vellezerve

Tre vellezer nga Lezha dhe nena e tyre kane kerkuar te pajisen me viza greke per te marre pjese ne nje proces gjyqesor ne ngarkim te tre shtetasve qe vrane vellane e tyre nje vit me pare.

Procesi ka nisur paraditen e se enjtes ne Vollos, ndersa tre vellezerit te revoltuar per humbjen e te drejtes per te qene pale ne gjyq, rrefejne se si jane refuzuar.

“Ne konsullate me pyeten per cfare do te shkosh ne Greqi. I thash se me ka thirrur gjykata greke, por me thane se me keto dokumenta nuk mund te shkosh”, deklaron Dritan Kola.

Njeri prej tyre ka kerkese nga gjykata per te marre pjese, ne te kundert sipas ligjit ai ndiqet penalisht. “Erdhi nje leter nga gjykata greke ne Larisa, qe me la nje afat kohor ndryshe penalizohesha. Por nuk na dhane asgje”, shton vellai tjeter.

Vellezerit Kola deklarojne se vellai i tyre u vra nga nje turme te rinjsh te dehur greke, qe e sulmuan ate per racizem, ndersa i kerkojne shtetit te nderhyje per te zgjidhur problemin e tyre, per te mos e lene historine ne vetgjyqesi.

“Na vrane vellain, do ta zgjidhim vete kete ceshtje, sic e ka zakon shqiptari, nese shteti nuk zbardh ngjarjen”, thote Paulin Kola. Ilir Kola u godit me mjete rrethanore ne Vollos te Greqise ne korrik te 2007-es. Per vrasjen e tij jane akuzuar tre shtetas greke.