Ambasadori Arvizu: Bashkëpunimi SHBA - SHISH, do vazhdojë të forcohet

“Pres të takohem me kreun e SHISH. Asnjë person nuk duhet të jetë në një post publik për shumë kohë”

Shefi i diplomacisë së SHBA-së ka folur për herë të parë për mediat lidhur me shkarkimin e kreut të SHISH, Bahri Shaqiri dhe emërimin në vend të tij të Visho Ajazit. 

Në prononcimin e tij, Arvizu ka theksuar se nuk ka rëndësi emri që udhëheq këtë institucion, por mënyra sesi ai e realizon detyrën, siç i shkon përshtat edhe Shqipërisë si një anëtare e NATO-s, duke shtuar se nuk kemi të bëjmë më me SHIK-un e viteve ‘90 por me SHISH-in e 2012.

Në këtë kontekst Ambasadori i SHBA-së theksoi se axhenda e tij pas pushimeve do të nisë me kreun e ri të SHISH, Visho Ajazi.

Komentet e tij Arvizu i bëri pas një takimi me kreun e PS, Edi Rama të cilit i prezantoi zv/ambasadorin Henry V. Jardine, me rastin e fillimit të kësaj detyre. Më herët, kryediplomati amerikan takoi edhe kryeministrin Sali Berisha dhe presidentin, Bujar Nishani.