Ambasadori holandez viziton bashkine

Ambasadori i Holandes, i akredituar ne Shqiperi, Van Vorst Tot Vorst, premtoi mbeshtetjen e qeverise holandeze ne realizimin e disa projekteve ne qytetin e Elbasanit, gjate nje takimi qe zhvilloi dje me kryebashkiakun Qazim Sejdini. Pas takimit prej dy oresh me ambasadorin holandez ne Tirane, kryebashkiaku Sejdini ka bere te ditur se thelbi i bisedimeve ishte bashkepunimi mes Bashkise se Elbasanit dhe qeverise holandeze. "Me ambasadorin holandez diskutova disa probleme shqetesuese qe ka qyteti i Elbasanit, per zgjidhjen e te cilave Vorst premtoi kontributin e qeverise holandeze", vijoi per ATSH, Sejdini. Sipas tij, ambasadori premtoi mbeshtetje per projektin e ngritjes se nje qendre rome ne qytetin e Elbasanit, per rikonstruksionin e perroit te Camurrit ne lagjen "5 Maji" dhe per botimin nje here ne muaj te gazetes se bashkise.