Ambasadori i OSBE-së, Bosch i bën thirrje opozitës të kthehet në kuvend

Ambasadori i OSBE-së në Tiranë Robert Bosch i ka bërë sot thirrje opozitës që të shkojë në Kuvend. “Bashkëpunimi politik mund të realizohet vetëm në Kuvend. Parlamenti është vendi i duhur”, tha Bosch duke theksuar se ky institucion është gati për të bashkëpunuar me qeverinë për sa i përket rekomandimeve për zgjedhjet. Deklaratat e ambasadorit u bënë gjatë një takimi me ministrin e Punëve të Jashtme Ilir Meta në selinë e kësaj ministrie. Nga ana e tij, ministri Meta ka vlerësuar angazhimin e OSBE-së në Shqipëri.