Amerikanët kapin "mat" Edi Ramën: Shpifje e radhës
PD pergenjeshtron artikullin e publikuar nga e perditshmja Panorama me titull “Nano kontakti i PD per lobing ne SHBA”, duke derguar me kete rast, bashke me pergenjeshtrimin edhe kopjen e kontrates te skanuar, ne te cilen duket qarte se jane inicialet e sekretarit te organizimit ne PD, Flamur Noka(F.N) te ngjashme me inicialet e emrit te Fatos Nanos(F.N), liderit historik, te socialisteve. “Partia Demokratike pergenjeshtron shkrimin e botuar me dt. 15 Qershor 2010 ne gazeten Panorama me titull “Nano kontakti i PD per lobing ne SHBA”. Eshte fare e qarte se kjo genjeshter, viktime e se ciles ka rene dhe Gazeta Panorama, me burim qarqet e ngushta rrotull Edvin Rames, ka pasur qellim terheqjen e vemendjes te publikut pas daljes ne drite te skandalit mes Partise Socialiste dhe nje kompanie lobingu amerikane, qe eshte nenshkruar nga kryeadministratori i Bashkise se Tiranes”, thuhet ne nje deklarate per mediat Njeheresh PD akuzon se “me teper se perfshirjen e cuditshme ne kete marreveshje, Edvin Rama me sa duket po kerkon te fshehe gjurmet e nje lobingu kunder interesave te vendit dhe te nje afere qe implikon zhdukjen e fondeve publike dhe te taksave te qytetareve te Tiranes per interes te Partise Socialiste”. Por nga ana tjeter zyra e shtypit e demokrateve sqaron se ka qene Flamur Noka ai qe ka negociuar, deklarate qe eshte mbeshtetur dhe nga kompania amerikane qe ka derguar sqarimin e saj, ne te cilin thuhet se nje lajm i tille eshte fals, pasi nuk eshte bashkepunuar me Nanon. “Deklarojme me pergjegjesi te plote se kontrata eshte ligjore dhe transparente si drita e diellit dhe se qellimi i saj ka qene lobimi per anetaresimin e vendit ne NATO. Gjithashtu kontrata ne te gjithe termat e saj eshte nenshkruar dhe negociuar nga zyrtari pergjegjes i Partise Demokratike z. Flamur Noka. Duke ruajtur te palekundur respektin per lirine e shtypit dhe te shprehjes ne Shqiperi, besojme se gazeta Panorama do te beje pergenjeshtrimin e shkrimit te botuar ne numrin e sotem te saj. Partia Demokratike ve ne dispozicion kesaj gazete dhe cdo medieve tjeter marreveshjen origjinale, gje te cilen Edvin Rama nuk guxon ta beje”, thuhet ne deklarate.