Amerikanët transit nëpër Rusi

Dhoma e Ulët e Parlamentit rus ka ratifikuar marrëveshjen, me të cilën lejon trupat e Shteteve të Bashkuara të kalojnë transit nëpër territorin e Rusisë për operacionet ushtarake në Afganistan.

Zëvendësministri i Jashtëm, Sergei Riabkov, tha se traktati ndihmon për të përmirësuar lidhjet me SHBA-në dhe NATO-n, si dhe mbron interesat e Moskës në fusha të tjera.

Rusia ka nënshkruar marrëveshje të ngjashme me Gjermaninë, Francën dhe Spanjën.