Anan njihet me situatën në Darfur

30/05/2005  Sekretari i Përgjithshëm i Kombeve të Bashkuara, Kofi Anan, gjatë një vizite në rajonin e krizës Darfur në Perëndim të Sudanit, është njohur nga afër me situatën. Anan, e vlerësoi si të papranueshme gjendjen në këtë vend. Refugjatët në kampin Kalma, ku jetojnë mbi 100.000 njerëz, e njoftuan Ananin, se ata konfrontohen me sulm dhe përdhunime të vazhdueshme prej milicëve arabë dhe ushtarëve qeveritarë. Sekretari i Përgjithshëm i OKB-së vlerësoi si pozitive punën e trupës paqësor etë Unionit Afrikan dhe kërkoi zgjatjen e mandatit të saj për mbrojtjen e popullsisë. Ministri i jashtëm i Sudanit Mustafa Osman Ismail, vuri në dukje, se qeveria është e gatshme që t´i japë më shumë kompetenca Unionit Afrikan. Përvec kësaj në qershor do të fillojnë bisedimet paqësore me rebelët. Në Jug të Sudanit si pasojë e terrorit të ushtruar mbi popullsinë civile nga milicët arabë të afërt me qeverinë, që prej shkurtit 2003 kanë humbur jetën 300.000 vetë dhe kanë braktisur vendbanimet afro 2,4 milionë.