Anastasi: "Mandati i deputeteve te PS-se skadon me 6 mars automatikisht"

Konstitucionalistja Aurela Anastasi eshte shprehur ne emisionin "Studio e Hapur" ne TV "Alsat", se "mandati i deputeteve socialiste, ne baze te Kushtetutes deri me 6 mars te ketij viti skadon automatikisht". Nje deklarate, e cila nuk ka lene asnje ekuivok ne drejtesine e zbatimit te Kushtetutes se Shqiperise per sa i perket zevendesimit te deputeteve socialiste, te cilet vijojne te bojkotojne Kuvendin. Deklarata e konstitucionalistes se njohur nuk ka qene e vetmja ne kete emision, teksa ka qene dhe ish-kryetari i KQZ, Clirim Gjata, ai i cili eshte shprehur madje me radikal, teksa ka deklaruar se mandati i deputeteve socialiste duhej te ishte djegur me pare, madje qe ne tetor te vitit te kaluar, pikerisht ne afatin prej 30 ditesh nga momenti kur duhet te ishte bere betimi i ketyre deputeteve. Nderkohe qe Anastasi nuk ka munguar te shprehe qendrimin e saj, se Kushtetuta duhet te interpretohet dhe ne kontekst, per te qene sa me korrekte me te.