FMN- qeverive: Te mos kalohen kufijte e borxhit

Qeverite ne te gjithe boten, duhet te kene kujdes me mbajtjen ne kufijte normale te treguesve te borxhit. Thirrjen e ka bere dje drejtori i Pergjithshem i FMN, Dominique Strauss-Kahn. Ai eshte shprehur se duhet treguar mjaft kujdes, pasi rikuperimi per ekonomite e ketyre vendeve eshte nje proces akoma shume i brishte. Ai shtoi se mbajtja e borxhit qeveritar ne nivele jo te larta, do te perbeje prioritet per shume qeveri. Ai sugjeroi se Fondi Monetar Nderkombetar do te rrise parashikimet e tij, per rritjen ekonomike per kete vit. Aktualisht FMN parashikon se rritja ekonomike globale per vitin 2010 do te jete me 3.1% . Rritjen me te larte edhe kete vit post krize do ta kene Kina dhe India, ndersa dy nga ekonomite me te gjera te Evropes, Gjermania dhe Franca, gjithashtu parashikojne rritje me te madhe ekonomike per kete vit. Gjermania pret qe ekonomia e saj te rritet me 1.5% nga 1.2% qe ishin parashikimet e meparshme. Qeveria franceze gjithashtu dyfishoi parashikimet e saj rreth rritjes ekonomike per vitin 2010 nga 0,75% ne 1,4%. indikatori me i mire eshte kerkesa private dhe punesimi. Ne shume shtete rritja vazhdon te perkrahet nga politikat e qeverive. Per sa kohe nuk ka kerkese private te forte, mjaftueshem sa per te kompensuar nevojen e politikave publike, nuk duhet hequr dore nga paketat stimuluese te qeverive, keshillon FMN.

Keshilla
Drejtori i Pergjithshem i FMN, Dominique Strauss-Kahn eshte shprehur se duhet treguar mjaft kujdes, pasi rikuperimi per ekonomite e ketyre vendeve eshte nje proces akoma shume i brishte. Ai shtoi se mbajtja e borxhit qeveritar ne nivele jo te larta, do te perbeje prioritet per shume qeveri.