Ancelotti: Mund ta lë Drogban në pankinë

Trajneri i Chelseat, Carlo Ancelotti, ka pranuar se është vendim i vështirë për të që ta lë në pankinë Didier Drogban, por ky i fundit vërtet mund ta shohë veten në stol.

“Nuk do të ishte e lehtë ta lija Drogban në pankinë, por ka gjasa që unë ta bëj këtë të shtunën. Ndoshta mund të bëj rotacion për shkak të freskisë së lojtarëve të mi”.

“Ne kemi startuar me Torresin ndaj Manchester Cityt. Ne e fituam atë kur Drogba hyri në lojë. Do të ishte mirë që t`ia lëmë atij 30 minutat e fundit të takimit, për shkak se ai është më i freskët dhe më i përgatitur”, potencoi "Carlito".