Allegri: Brescia hap dyert për Scudetto

Trajneri i Milanit, Massimiliano Allegri ka thënë se ndeshja ndaj Brescias do të hapë dyert për triumfin drejt Scudettos së parë pas shtatë vitesh për kuqezinjtë

“Është ndeshja më e rëndësishme e sezonit. Por, Brescia është ekip që ka lojtarë të mirë dhe sikur ne, kanë motivim të madh”.

“Ne kemi respekt për Brescian, ata janë në formë të mirë dhe po luajnë për mbijetesë. Ne nuk mund ta marrim shumë të lehtë këtë ndeshje. Do të jetë ndeshje e vështirë, por varet shumë nga ne. Është ndeshja e sezonit për ne dhe nëse fitojmë atëherë do të ishte një hap i madh para”, precizoi Allegri.