Apeli denon me 200 mije leke gjobe, Krenar Ahmetin

Tirane- Gjykata e Apelit ka lene dje ne fuqi vendimin e kolegeve te Shkalles se Pare, per ish shefin e Qarkullimit rrugor, Krenar Ahmeti si dhe dy ish-vartesit e tij. Sipas vendimit, Krenar Ahmeti eshte denuar me 200 mije leke te reja gjobe, ndersa Alfons Gjoni dhe Blenard Vathi me nga 100 mije leke gjobe. Tre te pandehurit akuzohen se kane konsumuar vepren penale te "kryerjes se veprimeve arbitrare" ne bashkepunim. Ngjarja per te cilen jane denuar te pandehurit ka ndodhur me 17 maj te vitit 2008, ku te pandehurit kane kryer vepren penale gjate ushtrimit te detyres ne kundershtim me ligjin, duke ndaluar dhe shoqeruar ne Komisariatin nr. 2 pa asnje motiv, prokuroren e Krimeve te Renda, Elisabeta Imeraj dhe bashkeshortin e saj avokat Agron Bajrin. Sipas vendimit, i pandehuri Ahmeti dhe dy bashkepunetoret e tij,Vathi e Gjoni, kane fyer rende te shoqeruarit ne polici, duke ua marre celesat e makines, sendet personale te ndodhura ne makine, si dhe telefonat celulare. Nje seance me pare, prokuroria kerkoi 500 mije leke gjobe per Ahmetin dhe nga 200 mije leke gjobe per dy ish-vartesit e tij, nderkohe qe keta te fundit kerkuan pafajesi.