Apeli i Krimeve te Renda, i drejtohet KLD-se per probleme financiare

TIRANE - Gjykata e Apelit per Krime te Renda i eshte drejtuar KLD-se per problemet e saj financiare. Ne kerkese shpjegohej se buxheti i kesaj gjykate eshte shume i vogel. "Per kete qellim ne kemi diskutuar edhe me zyren e Buxhetit Gjyqesor, por nuk eshte ne doren e tij problemi. kerkojme nga ana juaj ndihme per te plotesuar nevojat kryesore", behej me dije ne kerkese. Ne kete buxhet sipas gjyqtareve nuk jane parashikuar fonde per pajisjen e sallave te gjyqit me kompjuter. Sekretaret vazhdojne te shkruajne me dore te gjithe procesverbalet. Pra dixhitalizimi i kesaj gjykate mungon. Nje tjeter problem i nenvizuar ne ankesen e derguar KLD-se eshte edhe mungesa e fondeve per ngritjen e rrogave te sekretareve, veshjen e tyre, mungesen e mjeteve levizese, ngritja e rrogave te gjyqtareve, siguria e tyre. Pasi jane rreshtuar te gjitha problemet, apeli kerkon ngritjen e nje grupi pune dhe zgjidhjen e tyre. Nga ana e Keshillit te Larte te Drejtesise, ne mbledhjen e fundit eshte bere e njohur ankesa. Ne perfundim u vendos qe disa nga pikat e shkreses te merren ne konsiderate. Per kete qellim eshte caktuar edhe nje anetare e KLD-se e cila do te njihet me nga afer me te gjithe nevojat dhe me pas do te beje perpjekjet per t'i zgjidhur ato deri ne fund.