Apeli i jep pafajesine Bollanos

Vlore- Kryebashkiaku i Himares fiton pafajesine. Gjykata e Apelit Vlore ka shpallur dje vendimin perfundimtar pas kerkeses se bere nje vit me pare nga pala mbrojtese, pasi Shkalla e Pare e shpalli fajtor per “shperdorim detyre” Vasil Bollanon dhe deklaroi denimin me nje vit burg dhe 5 milione leke gjobe. Trupi gjykues, pas disa seancave radhazi, vendosi qe Bollano te shpallet i pafajshem, duke rrezuar akuzen e ngritur dhe lene hapesira prokurorise qe ta dergoje me tej me ankimim. Vete kryebashkiaku nuk ka dhene deklarate per vendimin, por pala mbrojtese ka qene e kenaqur pasi gjykata aprovoi kerkesen e bere. Trupi gjykues argumentoi se faktet e paraqitura nuk flasin per konsumim te vepres penale. Bollano u gjykua per heqjen e tabelave ne gjuhen shqipe ne aksin Llogara-Qeparo tre vjet me pare, akt i cili u cilesua i paligjshem, veper penale dhe shperdorim detyre me dem ekonomik prej 40 milione leke. U tentua qe tabelat ne gjuhen shqipe te zevendesoheshin me ato ne greqisht, por publikimi i skandalit shmangu nje tjeter shkelje. Gjykata e Faktit vleresoi te sakta provat e prokurorit te ceshtjes, njekohesisht kreu i organit te akuzes Vlore, Sokol Malaj, duke deklaruar se kryebashkiaku kishte shperdoruar detyren dhe e denoi.
Per vendosjen e tabelave eshte organizuar tenderi prej 5,3 milion lekesh, i zhvilluar nga Ministria e Puneve Publike, Transportit dhe Telekomunikacionit, me objekt vendosjen e sinjalistikes rrugore ne aksin rrugor Orikum-Himare-Sarande -Butrint. Gjate punes, firma fituese e tenderit “AGE&CO sh.p.k.”, ka hasur probleme me Policine Bashkiake te Himares, e cila nuk ka lejuar vendosjen e tabelave sinjalistike. Te nxitur nga kjo situate e krijuar, nga firma tenderuese eshte kerkuar takim me kryetarin e Bashkise Himare, Vasil Bollano, i cili eshte shprehur se vendosja e tabelave eshte kompetence e baskise. Madje ai i kerkoi firmes se vetem nese do vendoseshin tabela edhe ne gjuhen greke, atehere mund te realizoheshin punimet.
Konflikti
E ndodhur ne nje situate te veshtire ligjore, firma tenderuese i ka derguar informacion MPPTT-se, e cila ka miratuar shtyrjen e afatit te perfundimit te punimeve ne kete aks rrugor kombetar. Konflikti ndermjet firmes tenderuese AGE&CO dhe bashkise Himare ka filluar qe ne date 18 tetor 2007, deri ne 4 dhjetor 2007, kur Policia Bashkiake shkuli nje numer te madh tabelash.
Berisha: Vendimi nuk i sherben qellimit te vendosjes se ligjit
Me shume se nje vit me pare, kryeministrit Sali Berisha do te reagonte per vendimin e dhene nga Gjykata e Vlores ne dem te kryebashkiakut te Himares Vasil Bollano. Ne daten 21 prill te vitit 2009, duke mbetur i ndjeshem ndaj respektimit dhe garantimit te te drejtave te qytetareve dhe respektimin e pavaresise se sistemit gjyqesor, kryeministri e cilesoi vendimin si mbartes te nuancave politike. “Interpretime dhe zbatime te ligjeve, te cilat mund te mbartin nuanca politike dhe arkaike, nuk i sherbejne qellimit te vendosjes se ligjit”, u shpreh nder te tjera kreu i qeverise ne lidhje me verdiktin e Gjykates se Rrethit Vlore, qe i dha 1 vit burg dhe 5 milione leke gjobe kryebashkiakut te Himares.