Apeli liron ish-anëtarin e Bandës së Lushnjës, ishte dënuar 18 vite burg

Të pandehur të "Bandës së Lushnjës"

Gjykata e Apelit ka rrëzuar vendimin e Gjykatës së Krimeve të Renda për dënimin e ish pjesëtarit të Bandës së Lushnjës, Afrim Hoxha.

Gjykata për Krimet e Renda në nëntor të vitit të kaluar kishte dhënë vendimin për dënimin me 18 vite burg për Hoxhën ndërsa Apeli ka vendosur sot për lirimin e tij.

Në këtë mënyrë Apeli ka rrëzuar akuzat ndaj Hoxhës duke urdhëruar lirimin e tij. Ndërsa për të gjithë anëtarët e tjerë është lënë në fuqi vendimi i Gjykatës së Krimeve të Rënda.

Banda e Lushnjes është krijuar në vitin 1997 dhe drejtohej nga Alfred Shkurti i njohur si Aldo Bare dhe akuzohen për një sërë veprash penale, si vrasje, rrëmbime personi, vjedhje me dhunë, krijim të bandave kriminale, etj. Gjyqi ndaj tij vazhdon ende.