Aplikimi si vend kandidat per ne BE, brenda ketij 6-mujori

Kryetari i Komisionit te Jashtem, Prec Zogaj deklaroi dje se parlamenti permes rezolutes per statusin kandidat ne Bashkimin Evropian, inkurajon qeverine te aplikoje per kete status ne nje moment qe ajo e konsideron si te volitshem. "Rezoluta konsensuale e Kuvendit te Shqiperise, pergatitur ne Komisionin e Jashtem ne muajin janar te ketij viti, nxit dhe inkurajon qeverine, te ndermarre aktin e aplikimit, duke ia lene asaj ne dore percaktimin e dates, ne konsultim me partneret tane evropiane", deklaroi Zogaj ne nje prononcim per mediat. Sipas tij, Komisioni i Jashtem nuk mendon se qeveria duhet te prese per kete proces te rendesishem, por duhet te aplikoje, sepse ajo i ka permbushur te gjitha standardet e nevojshme per te hedhur kete hap te rendesishem. "Une, bashke me koleget deputete dhe opinionin e gjere europianist ne Shqiperi, do te mbeshtesja dhe duartrokisja, aplikimin brenda ketij gjashtemujori", theksoi Prec Zogaj. Sipas tij, Shqiperia ka permbushur detyrimet e kerkuara, per te qene nje vend kandidat prane BE-se.