Aprovohet ngritja e akcizës

Qeveria ka miratuar Projektligjin për ndryshimin dhe plotësimin e Ligjit për tatimin e Normës së Akcizës në Kosovë.

Miratimi i këtij projektligji bën pjesë në kuadër të paketës së veprimeve paraprake për programin e bashkëpunimit me Fondin Monetar Ndërkombëtar. Me aprovimin e këtyre normave të reja do të mundësohet që disa ligje sociale do të jenë të implementuara.

Projektligji nuk është kusht nga Fondi Monetar Ndërkombëtar, por është menduar se me miratimin e këtij projektligji do të rregullohet kjo skemë më mirë.

Qeveria gjithashtu ka miratuar vendimin për heqjen e Projektligjit për nënshkrim elektronik nga Strategjia Legjislative për vitin 2010.