Arratisen pesë futbollistë kubanezë

Janë të cmendur për Amerikën dhe mezi e gjejnë rastin të shkojnë atje. Pesë sportistë të Kombëtares kubaneze të futbollit U-23 që gjendeshin gjatë një aktiviteti në Shtetet e Bashkura janë zhdukur pa lënë gjurmë, pas një ndeshje të vlefshme për kualifikueset e Olimpiadës së Pekinit. Pesë lojtarët e braktisën skuadrën menjëherë pas përfundimit të takimit kundër Shteteve të Bashkuara, të përfunduar 1-1. Midis 5 të arratisurve, ishte edhe kapiteni i skuadrës, Henier Bermudez.