Germojne per grope pallati, gjejne predhe

DURRES- Punetoret e nje firme ndertimi, gjeten mbremjen e se martes nje predhe te vjeter gjate hapjes se themeleve te nje pallati, prane rruges se "Unazes se Plepave", 6 km ne jug te qytetit te Durresit. Burime zyrtare nga Drejtoria e Policise se Qarkut, bene te ditur dje se predha me diameter 155 mm eshte gjetur nga punonjesit e firmes se ndertimit
"Greenline e Azir", te cilet kane njoftuar menjehere forcat e rendit. Sipas burimeve ne vendngjarje kane mberritur menjehere specialistet e njesise antieksploziv nga Policia e Shtetit, te cilet e kane transportuar predhen me gjatesi rreth 70 cm per asgjesim drejt poligonit perkates. Po dje mesohet se predha eshte caktivizuar nga specialistet, pas disa oresh pune te organizuar. Per fat te mire gjate germimeve me makineri, me qellim hapjen e gropes, nuk eshte goditur mjeti luftarak qe mund te shperthente dhe shkaktonte viktima mes punetoreve. Megjithese organet e policise nuk kane bere te njohur "moshen" e predhes, mendohet se ajo i perket fundit te Luftes se Dyte Boterore, kur bregdeti i Durresit u minua nga forcat naziste ne kuader te operacionit "Shetitje ne port".