Arsenali, humb perballjen me Mancesterin dhe shansin per titull

Premier Liga konfirmon kampionet ne fuqi, Mancester Junajtid si pretendente per te mbrojtur titullin ne fund te ketij sezoni. Mancester Junajtid fitoi me teper lehtesi ndaj Arsenalit, ashtu si edhe Celsi gjate muajit Nentor, kur triumfoi gjithashtu ne perballjen direkte me Arsenalin. Pas humbjeve me rivalet direkt per titull, skuadra e Venger konsiderohet me larg titullit kampion. Keshtu, ndeshja e djeshme pervec Celsit qe ka kryesuar ne pjesen me te madhe te sezonit, konfirmoi edhe kampionet ne fuqi, si nder prertendentet kryesore per te mbrojtur kuroren. Arsenali eshte zene teper ngushte qe ne fillim te ndeshjes, ne perballjen e djeshme me Mancesterin. Shume tifoze te skuadres londineze nisen te largoheshin me shpejt nga stadiumi, pas 25 minutave te para te ndeshjes, kur topcinjte e pane veten ne disavantazh te dy golave. Almunia shenoi nje autogol ne fillim te ndeshjes ne perpjekje per te ndalur nje aksion te ekipit qe drejtohet nga Aleks Ferguson. Uejni Runi shenoi golin e dyte per Mancester Junajtid. Sulmi i befasueshem i Djajve te Kuq nuk u ndal gjate pjeses se pare duke vene ne befasi Arsenalin. Me fillimin e pjeses se dyte, miqte trefishojne rezultatin. Koreano jugori Park realizoi golin e trete duke i dhene nje goditje te rene vendasve. Ambiciet e Arsenalit pas pesimit te ketij goli pothuajse u shuan dhe me tej ndeshja pati nje renie ne raste per shenim. Arsenali i Arsen Venger shkurtoi diferencen 10 minuta para perfundimit te ndeshjes me Tomas Vermelan. Humbja me Mancester Junajtid ishte nje goditje e rende per Arsenalin, qe po kalonte nje moment te mire ne Premier Lige. Trajneri Arsen Venger e konsideroi percaktues rezultatin e ketij takimi, per te shpresuar ne rikthimin e titullit kampion. Por eksperienca vendosi ne kete sfide direkte per kampionet ne fuqi. Mancester rikuperon ne momentin e duhur dhe shpartallon nje ekip rival.

Premier Lige
Dje
Arsenal - Mancester U. 1-3 .
Man. Siti- Portsuth 2-0
30 Janar
Birmingem- Totenhem 1-1
Burnli - Celsi 1-2
Fulham- Aston V. 0-2
Hull - Uolves 2-2
Liverpul - Bolton 2-0
Uest Hem- Blekbern 0-0
Vigan - Everton 0-1

Klasifikimi
Celsi 54
Man Utd 53
Arsenal 49
Totenhem 42
Liverpul 41
Man Siti 41
A. Vila 40
Birmingem 34
Everton 32
Blekbern 28
Fulhem 27
Stuok 25
Sanderlend 23
Vigan 22
Uest Hem 21
Bolton 21
Uolves 21
Bernli 20
Hull 20
Portsmuth 15