Arsenali i armeve, prokuroria liron te dyshuarin "pronar'

Lac-Prokuroria e Kurbinit liron te dyshuarin per arsenalin e armeve e municionit te gjetur kater dite me pare ne banese pas kontrollit te policise. Organi I akuzes kerkoi mase me te zbutur per Tom Biben, edhe pse operacioni qe zhvilluan blute u deklarua I bujshem, ndersa u sekuestruan 3 mije cope fisheke, nje pushke model 56, 30 metra fitil zjarrpercjelles dhe 10 ndezesa granate qe i mbante te fshehura ne nje nga dy shtepite e tij. Gjate mases se sigurise se zhvilluar dje, trupi gjykues ka pranuar kerkesen e prokurorise, duke dhene vleresimin "arrest shtepiak" per 45 vjecarin e dyshuar. Biba u kap ne qytetin e Durresit tre dite me pare me nje arme pa leje dhe gjate kontrollit te metejshem ne dy shtepite e tij u gjet dhe arsenali me municion e armatim. Policia e kishte shpallur prej dy javesh ne kerkim 45-vjecarin per kete veper penale pasi u gjeten ne fshatin Gallte te Kurbinit 3 mije cope fisheke, nje pushke, ndezesa e fitil. Kontrolli i policise eshte bere pas marrjes se informacioneve te hollesishme nga ana e banoreve te zones. Biba nuk eshte gjetur ne shtepi gjate aksionit te pare, por eshte mesuar se gjendej ne Durres. Gjate momentit te ndalimit ne Durres mesohet se 45-vjecari ka kundershtuar uniformat blu, kurse gjate marrjes ne pyetje ka mohuar pronesine e arsenalit te armeve, duke thene se prej kohesh ishte larguar nga fshati dhe se municioni nuk i perkiste atij.

Mungesa e provave

Gjykata e Kurbinit ka degjuar argumentet e prokurorise, duke dhene edhe masen "arrest shtepie" deri ne gjetjen e provave dhe perfundimit te hetimeve. Fakti se Tom Biba ishte larguar prej muajsh nga banesa ka ndikuar ne lehtesimin e mases se sigurise nga gjykata, pasi nuk mund te provohej se ai ishte "pronari" armatimit. Derisa te provohet autoresia Biba do te qendroje ne kete mase sigurie.