Pas Leskovikut, flake dhe ne Pojan

Korce- Nje zjarr i shkaktuar ne rrethana te pakujdesshme ka demtuar nje pemetore ne fshatin Pojan te rrethit te Korces. Policia vendore ka shoqeruar disa persona per demtim te prones private. Burime zyrtare thane se ne oret e mesdites se djeshme, ne nje pemetore te fshatit Pojan ka rene zjarri duke djegur dhjetera peme me molle. Krahas nderhyrjes se zjarrfikesve per shuarjen e vatres, nisen hetimet per te identifikuar shkaqet e renies se tij. Sipas te dhenave paraprake, zjarri eshte perhapur nga pakujdesia e disa personave qe kane dashur te djegin te korrat e grurit, por flaket perfshine edhe siperfaqet e mbjella me molle aty prane. Nga te dhenat e komisariatit te Korces mesohet se jane shoqeruar disa persona per kete zjarrvenie dhe midis tyre do te kete te arrestuar per shkaterrim te prones me ane te zjarrit. Ky eshte rasti i dyte i renies se zjarrit brenda pak diteve ne rajonin e Korces ne kushtet e temperaturave te larta, pas atij te shkaktuar ne pyllin e Germenjit, ne Leskovik, ku eshte djegur nje masiv pylli.

G.Ashimi

Dyshimet

Sipas policise, mendohet te kete qene nje grup emigrantesh klandestine qe ka shkaktuar zjarrin ne zonen e kufirit midis Shqiperise dhe Greqise. Pas nderhyrjes me avion nga ajri, ne diten e trete te shfaqjes se flakeve, situata eshte vene nen kontroll dhe jane shmangur pasojat e metejshme te tij.