Ashton ne Tirane, nuk caktohet data e vizites

Fakti qe Perfaqesuesja e Larte e Bashkimit Evropian, baronesha Catherine Ashton, do te vije ne Tirane, pohohet edhe nga zedhenesi i saj Michael Mann, por nuk behet e qarte data e vizites. Ajo cka mesohet eshte se Ashton, nuk do te vizitoje Tiranen kete jave, por ne nje afat me te vone. Nderkohe qe pikerisht diten e marte, me 15 shkurt, Parlamenti Evropian do te zhvilloje nje seance te posacme diskutimi mbi situaten e tensionuar politike ne vendin tone. Baronesha Ashton, pritet te vizitoje Shqiperine ne kuader te negociatave me lideret politike ne vend, per zgjidhjen e mundshme te mosmarreveshjeve mes tyre. Ne qendrimin e saj ne Shqiperi, Ashton pritet te takohet me kreret me te larte te vendit, me drejtuesit e mazhorances dhe opozites per te diskutuar krizen politike qe ka perfshire vendin tone por edhe me Presidentin Bamir Topi. Vizita e saj, do te vije pas dy tentativave te deshtuara me sa duket, te te derguarit te BE-se ne Shqiperi, Miroslav Lajcak. Ndonese brenda nje jave, Lajcak zhvilloi takime me kreret politike, asnje ndryshim nuk pati ne ngercin politik ne vend. Situate e cila do te diskutohet gjeresisht ne sesionin e ardhshem te punimeve te Parlamentit Evropian, qe do te zhvillohet nga 14 deri me 17 shkurt, ku do te kete nje diskutim te posacem per Shqiperine ne 15 shkurt.