Atletico nuk e lë Barcën t`i shmanget

Atletico Madridi vazhdon të jetë rivali kryesor i Barcelonës për titullin e La Ligas, të paktën deri më tani.

Ekipi i dytë nga kryeqyteti spanjoll ka shënuar fitore prej 1-0 në Estadio Municipal de Anoeta si mysafir i Real Sociedadit.

Goli i vetëm në ndeshje u shënua në minutën e fundit të takimit, ndërsa emri i realizuesit tashmë mund të paramendohet, Radamel Falcao (90’).

Pas javës së tetë, Atletico Madridi numëron po aq pikë sa Blaugranët (22) dhe qëndron pranë tyre në krye të tabelës.