Australia, mbrojtesi Moore operohet nga kanceri
Mbrojtesi i kombetares australiane te futbollit, Craig Moore eshte operuar per shkak te kancerit ne testikuj. Lajmin e ka bere te ditur Federata Australiane e Futbollit, duke theksuar se per kete shkak, 32 vjecari ish kapiten i Glasgow Rangers eshte lene jashte listes se ndeshjes eleminatore per boterorin 2010 kunder Bahreinit.
Sipas manaxherit, gjendja e lojtarit pas operacionit eshte e mire dhe ai duhet te qendroje pushim absolut per rreth 2 jave dhe pas nje muaji e gjysme duhet te kryeje analiza te metejshme. “Eshte shokuese te degjosh per semundje te tilla por me jep kurajo shpresa e mjekeve. Ne emer te gjithe skuadres i uroj sherim sa me te shpejte”, u shpreh trajneri i kombetares se Australise, Pim Verbeek.
Mesazh per nje sherim sa me te shpejte ka derguar edhe kreu i federates Ben Buckley. 32 vjecari ka qene nje flamur i Glasgow Rangers, klub per te cilin ka luajtur 11 vjet, por ai ka provuar eksperienca edhe tek Newcastle e Borussia Moenchengladbach.