Austri, ferr në autostradë

Reshjet e mëdha të dëborës kanë shkaktuar një superaksident në Austrinë Veriore, në autostradën që lidh Vjenën me Salisburgun. Një zinxhir përplasjesh ka përfshirë mbi 100 automjete mes lokaliteteve Seevalshen dhe St. Georgen, në drejtim të Salisburgut. Një person ka humbur jetën dhe rreth 30 të tjerë janë plagosur, disa në gjendje kritike. Autostrada është mbyllur në të dyja drejtimet, ndërkohë që me dhjetëra skuadra shpëtimi janë vënë në veprim. Problemet me motin e keq dhe reshjet e dëborës, nuk kanë munguar edhe në vende të tjera të Evropës.