Automjetet, falen detyrimet e prapambetura
Te gjithe taksapaguesit e mjeteve rrugore qe nuk kane paguar taksat e pervitshme per qarkullimin e automjeteve do te perfitojne nga amnistia fiskale, vetem ne rast se do te paguajne detyrimet brenda dhjetorit 2008. Ne vendimin e qeverise saktesohet se debitoret ndaj Drejtorise se Pergjithshme te Tatimeve, per taksen vjetore te qarkullimit rrugor te mjeteve, si dhe ndaj njesive te qeverisjes vendore, per taksen e regjistrimit te pervitshem te mjeteve, u falen detyrimet e prapambetura, me kusht qe pronaret e mjeteve, qe nuk jane ne qarkullim, te kene kryer, brenda dates 31 dhjetor 2008, veprimet perkatese te cregjistrimit. Nderkohe qe, per pronaret e mjeteve, qe jane ne qarkullim, te kene kryer, brenda dates 31 dhjetor 2008, veprimet perkatese te pageses se detyrimeve, me te gjithe komponentet, per vitet 2006, 2007 e 2008. Sipas studimeve te bera nga specialistet rezulton se nje numer i madh makinash vazhdojne te jene te regjistruara megjithese nuk jane ne qarkullim dhe kryesisht jane makinat e institucioneve shteterore qe tashme jane shkrire. Nderkohe qe krahas ketyre mjeteve motorike, jane edhe ato te cilat jane ne qarkullim por nuk shlyejne detyrimet, madje sipas kontrollove te bera ne 5 rrethe te ndryshme numri i tyre eshte shume i larte. Mendohet qe me kete amnisti, te mund te saktesohen arkivat si dhe te pastrohen te gjitha dosjet e vjetra te automjeteve te dala jashte funksionimit.