Autoriteti i Konkurrencës, në sitë 4 kompani makinash për mashtrim

Autoriteti i Konkurrencës në Shqipëri, më anë të një deklarate për shtyp deklaron se ka hapur një hetim në lidhje me furnizuesit e automjeteve që blihen me fondet publike për institucionet në Shqipëri. Autoriteti tha se i ka adresuar hetimet në katër kompani të cilat kanë bërë furnizimin me automjete të reja përmes fondeve publike për nevoja të institucioneve. Hetimi paraprak në tregun e sigurimit të automjeteve të reja, tregon se ka dëshmi të

bashkëpunimit mes katër kompanive, Classic Sh.p.k, Ultramotors Sh.pk, Noti Ltd, dhe Hyundai Ltd, që të marrin pjesë në prokurimin publik, që mund të përbëjë një praktikë të përbashkët midis firmave që veprojnë në tregun në fjalë. Ne kemi theksuar se prokurimi i automjeteve të reja me fondet publike në Shqipëri është e kontrolluar nga marrëveshjet midis katër kompanive, thuhej në deklaratën e Autoritetit të Konkurrencës. Enti rregullator i krijuar në vitin 2004 ka nisur hetimet edhe në tregun e telekomunikacioneve.